L’Àutra Sicilia arricorda a tutti li Siciliani e Sicilianisti chi murìu lu nostru frati Diego Messina, lu Prisidenti Onorariu di lu Partitu di lu Pòpulu Sicilianu.

Nun appi lu tempu di vìdiri la Sicilia pi cui luttau tutta la so vita, la Sicilia ca vulemu: na Sicilia lìbira, na Sicilia arrivisciuta, na Sicilia veramenti di li Siciliani.

Oji nun è lu tempu di diri “in pulìtica nuàutri vulìamu chistu, tu vulìa chissu, nàutru vulìa chidhu”: oji è lu tempu e lu jornu di diri ca la to battaghia nun finisci ddhocu.

S’un avissi statu pi tutti chidhi com’a tia chi s’astutaru senza vìdiri lu suli di li libirtati, la notti fussi eterna.

Ma un jornu av’a vèniri sta libirtati e sintemu ca stu jornu stà pi jùnciri!

ANTUDO!

Fidiricu d’Aragona