Oi a la parola ‘Siparatismu’ la vonnu fari accumpariri comu na parola tinta. Chiddi chi vonnu la Sicilia ‘retrogada’ e mafiusa e ntrallazzata, mentri stari ccu lu cuntinenti si respira aria di progressu e ‘liberalismu’.

Ma unn’è-bberu nenti, pirchì chiddi ca fannu accumpariri la parola una cosa tinta su propria iddi ca si iinchinu la vucca di autonomia, ma la usanu ppi manciarici ncapu e vinninu a-nnuatri a cchiu ci runa ciossà a iddi.

La malissiri du Populu Sicilianu è lu binissiri e sicurezza di picca, ca usanu la mafia comu na sicunna ‘polizia’, comu a la Merica Latina sunnu li ‘squadruni di la morti’, e teniri sutta lu scantu la ggenti chi voli essiri e campari megghiu.
Pirciò ppi mia iè sugnu sulu Sicilianu, e siddu lu me populu voli stari ppi cuntu so’ nu-mmiu pirchì sugnu ‘cosa tinta’. Tutti li populi hannu dirittu a l’indipendenza accussì ava a-essiri ppi nuatri.

Stari iunciuti ca la pinisola italica unn’è ‘murtificazioni’, la murtificazioni sunu li vastasi ca ci vinninu facennu a-bbiriri ca l’autonomia ci runa a manciari megghiu, ma sunnu li primi ha-arrubbari li sordi ca cci sunnu e ponnu aiutari la Sicilia.

P’accamarora, nun staiu n-Zicilia, ma stari fora viri comu la penzanu nta lu continenti. Duna fatica fari capiri a sta ggenti du nord comu nveci sunnu li cosi n-Zicilia, ma a la fini mi capiscinu.

Sicunnia mia lu benissiri di la Sicilia porta beni puru a la pinisola italica. Pirciò rivindicari la nostra libertà di populu è cosa ggiusta. Iè vogghiu lu beni di mia, di la me famigghia e di me popolu, e di la ggenti d’unni staiu.

Pirciò lu mali sta a cridiri a tutti li ‘vastasi’ ca vantanu ‘amicizie’ romane. Penzanu sulu a comu stari assittati e manciarisi i sordi.

Ieri Ciampi diceva che i giovani vogliono difendere le istituzioni, ma le istituzioni si danno da fare ad assicurare un futuro ai giovani?
Ma iddu stissu si nni futti ppi prima, mittennusi a capu di la diligazioni di li ‘imprenditori italiani’ chi vannu a invistiri a l’India e a la Cina. E la picciotti siciliani quali travagghiu ci duna? Fari lu sbirru o iirisi a farsi futturi nta li ‘missioni taliani all’esteru’ ca tennu autu l’onuri di li Talia nto munnu (bosnia,kossovo, afghanistan, iraq)?
O dari travagghiu sulu cu li ‘call center’?
E n-Zicilia cu investi , sulu la mafia ca teni sutta tutta la Sicilia ppi cuntu r’iddi.

Rrusaru
Nasciutu nto Statu di Fitalia, feudu di la famigghia di Rruggeru Settimu. Urtimu Prisidenti ddi lu Rregnu Ri Sicilia.