Cari amici, vi prisentu na pagina assai nicuzza e semplici di leggiri d”a me drammaturgia siciliana, pi mustrari comu, attraversu lu veru amuri (ca si trova sempri nta li cosi semplici), si po ancora oggi parrari a li siciliani di li sintimenti antichi , radici d’ogni futuru.

AMURI DI MATRI & AMURI DI FIGGHIU

(Su’ amuri ca non morinu mai!)

Atto unico – 2 Scene

(Catania, dicembre 1959. Luogo: pescheria, orario di chiusura. Micheli Caccetta, minatore, dall’aspetto assai provato, s’avvicina alla macelleria dello zù Janu, uomo onesto e sensibile. Quest’ultimo sta rassettando alcune cose prima della chiusura del suo esercizio, quando vede avvicinarsi Micheli).

Scena I

Micheli – zù Janu

Micheli: (richiamando l’attenzione dello Zù Janu, osseerva) Binidicu a vossia, Zù Janu!…

Zù Janu: Salutamu, Micheli!… (meravigliato nel vederlo a quell’ora tarda, lo interroga) Chi fu, figghiu miu?… A st’ura ti fai a vidiri? Staiu pi chiudiri!….

Micheli: Ragiuni havi, ma non potti fari prima!… Vulia purtari a me matruzza du’ beddi feddi di trinca frisca, quannu a fazzu rinfurzari a dda me vicchiaredda!… Ma… s’aviti a chiudiri, tornu dumani!…

Zù Janu: Nenti prioccupazioni!… Pi tia, figghiu miu, gràpu puru di notti!…

Micheli: Grazii, zù Janu, siti comu a n-patri pi mia!…

Zù Janu: Nenti, fijurati!… Chiuttostu, dimmi, Micheli, comu ti senti, ci jisti nto dutturi?…

Micheli: Sì, ci jivi!…

Zù Janu: E, dunca, chi ti dissi?…

Micheli: E chi m’avia a diri?… Picca mi nni resta, zù Janu!… Forsi na simana, forsi n-jornu, c’’u sapi?….

Zù Janu: Granni Iddiu, ci pozzu cridiri?…

Micheli: Ca certu ca ci aviti a cridiri!…. Non haju mancu lu iammu pi parrari!…

Zù Janu: Chi distinu, figghiu miu!….

Micheli: Giustu dici, zù Janu. Malu distinu fu chiddu miu… malu distinu!…

Zù Janu: (prendendo a braccio il tavolino da lavoro, invita Micheli a seguirlo) Amuninni Micheli, camina, trasèmu di sta parti… daccussì non facemu parrari a nuddu. Jemu a pigghiari ssa carni pi to matri!…

Micheli: Sì, zù Janu: pinzamu a me matruzza!…

Scena 2

Maria Caccetta e Micheli Caccetta

(A questo punto la scena si svolge a casa della madre, dove Michele sopraggiunge con nelle mani un saccottino contenete la carne acquistata dallo zù Janu. Seduta, in una cucina assai modesta, ma impreziosita di semplici cose, sta una vecchia donna, Maria Caccetta, assai accasciata e stanca. Ha il viso cereeo ed ha segni evidenti sul volto di una vita piena e sofferta).

Lu figghiu: (sopraggiungendo, saluta affettuosamente la madre) Diu la binidica, matri!… Comu stati oggi?…

La matri: (sorpresa, va subito incontro al figlio) Oh, Micheli, gioia d’’u me cori!… (abbraccia il figglio e lo bacia) Eh…, c’’a grazia d’’u Signuri, tiramu avanti!… (lo guarda poi attentamente in faccia notandone il pallore. Gli accarezza il volto e, preoccupata, lo interroga). Tu, chiuttostu, a matri, ti vidu sciupateddu, cu l’occhi niri e nfussati. Chi ti senti, ah?… Parra, non mi fari prioccupari, ca a tia sulu haju!..

Lu figghiu: (nascondendo alla madre la sua grave malattia, riprende in maniera dolce e affettuosa) Nenti, matri, vossia non si devi prioccupari, ju staiu benoni!… Sugnu sulu ‘n-pocu stancu pi lu travagghiu ca è pisanti nta minera. P’’u restu… non c’è nenti!…

La matri: (dandogli conforto, nota) Hai ragiuni, poviru figghiu miu, (gli bacia la mano) nta ssa tinta minera ti levi la vita. Però, tu, a matri, travagghi troppu assai. Travagghi pi dui e non pi unu… chistu lu sacciu… Non sugnu certu scema!… E ju t’haju dittu, chiu’ di na vota, ca a mia non mi manca nenti, dunca arizzettiti e penza sulu a tia, a la to saluti, si non voi ca ci l’appizzi!…

Lu figghiu: (mostrandosi affettuoso e premuroso, ribatte) Matri, vossia havi di bisognu di curi e di manciari cosi sustanziusi, e ccu dda tinta e misera pinzioni ca pigghiati unni âti jiri ennu?… Ora, pigghiativi ssa bedda tringa ca vi purtai, (gli porge il saccottino con la carne) tiniti, e manciativilla tutta si’ non vuliti acchianarivinni àutu, prima ancora di li vostri jorna!…

La matri: Vih, figghiu miu, ju carni non nni vogghiu!…

Lu figghiu: (insistendo, ribatte) Matri, facitivilla càuda càuda, ca sangu vi fa!… Poi viditi comu vi sintiti megghiu assai!…

La matri: (posando il saccottino di carne sul tavolo, rimarca) No, scanzatini, carni ti dissi non nni vogghiu!… Iu già manciai… (ma non era vero), dunca chi mi va’ cuntannu?…

Lu figghiu: (intuendo l’amorevole bugia della madre, rilancia) Sì, manciastivu, a st’ura?…

La matri: (insistendo, rimarca) Manciai, prima ca vinevi tu, a matri, m’ha’ a cridiri!…

Lu figghiu: Non pozzu!…

La matri: Ascuta, nveci, zoccu ti dicu: Piccatu fussi jittari ssa bedda carni!… Senti, (coccolandolo, come solo una madre sa fare col proprio figlio) gioia d’’u me cori, vita mia, varda chi facemu: assettiti, veni cca!… (lo trascina a sé e lo fa sedere) Siddu non hai primura, mettu supra o focu la marmitta e ti l’arrustu a tia ssa carni, a matri, ca beni ti fa!… T’’a conzu ccu ogghiu, arriniu e limoni di Sicilia, chi dici a matri?…

Lu figghiu: (incredulo, rimarca) A mia?…

La matri: (confermando, amorevolmente) Sì, salaratu Diu, conzu la tavula e t’’a servu subitu subitu… Non ti moviri di cca, a matri!… (gli sistema una tavoglia sul tavolo e tutto l’occorrente).

Lu figghiu: (confuso, ribatte) Ma chi dici, matri?…. Ju la purtai sulu pi vossia!…

La matri: E ju ti dicu di non faritinni na custioni!… Non ti sfirniciari, vali lu pinzeri!…

Lu figghiu: Chi ci pari ca no sacciu ca vossia sta facennu di tuttu pi farimmilla manciari a mia ssa bedda carni?… Matri, ssi scherzi non si fannu!… Replicu e dicu ancora ca ssa carni è pi vossia, pi lu vostru beni!…

La matri: (nascondendo le reali intenzioni materne, ribatte) Chi scherzu e scherzu, figghiu miu!… Si ti dicu ca non haju fami… significa propriu ca non haju!… Avanti, non mi fari pigghiari di collira, m’abbasta la malanova c’haju di ncoddu, ci manchi sulu tu!…Ora statti beddu cuëtu, ripositi tanticchedda, ca iu na du’ minuti portu tuttu a tavula!…

Lu figghiu:(rispettosamente, si lascia sconfiggere e cede) Vinciti sempri vossia, matri!… Ma com’è possibili?…

La matri: (ribatte, affettuosamente) Com’è possibili ca sì sempri camurriusu?… Aspetta ddocu, cori miu, ca ti servu subitu!…

Lu figghiu: Grazii, matri, sempri comu vossia cumanna!…

La madre: (tutta contenta, al figlio)Tornu subitu!… (va via per la comune. Nel frattempo il povero uomo si accascia con la testa sul tavolo e attende)

La matri: (festante, richiama l’attenzione del figlio, il quale si ricompone in presenza della madre) Figghiu… cca sugnu!…

Lu figghiu: Ah, matri!… Prestu facistivu!….

La matri: Ca certu!… Tè…, ora manciti sta bedda carni càuda, cunzata c’’u megghiu salamarigghiu di Sicilia!…

Lu figghiu: Grazii, matri!… Ma mi s’assittassi cca, (con atteggiamento filiale) vicinu a mia, masannunca non mi cala!…

La matri: (va e si siede) Cca sugnu, non ti lassu sulu, figghiu miu!…

Lu figghiu: (la guarda in viso, si commuove e soggiunge) Matri!…

La matri: Chi c’è, figghiu?…

Lu figghiu: Si’ vòli ca mi manciu ssa bedda carni… si non àutru mi l’aviti assaggiari!…

La matri: No!… Non è nicissariu!…

Lu figghiu: (con coraggio, opponendosi, ribatte) Allura la putiti puri jittari ntra ‘a munnizza, pirchì non nni vogghiu mancu ju!…

La matri: (reagendo, amorevolmente) Mih, la testa dura l’hai!… Cu sapi di cu’ pigghiasti?…

Lu figghiu: (spartano, rilancia) Ca di vossia pigghiai, si suttintenni, e di cu’ àutru?…

La matri: (vinta, accetta) E va beni, l’assaggiu ssa tringa sapurita, basta ca t’arrizzetti lu cori e poi manci!…

Lu figghiu: (approfittando della debolezza materna, rilancia) No, matri, na furchittata vossia e una ju, si’ voli ca manciu!…

La matri: Ma varda c’haju a sèntiri!… Basta, veni cca figghiu miu, lu capì, fatti ammuccari di to matri… prima ca s’arrifridda ssa carni… (prende coltello e forchetta e, tagliando dei bocconi di carne,lo imbocca) Tè, ammuccamu!…

Lu figghiu: (imboccando, esclama) E una!…

La matri: Mutu, granni Iddiu!…

Lu figghiu: (ancora, rimarca) E dui!.. (poi, rimarca) Basta!… Ora a vossia matri, masannunca mi susu e mi nni vaiu!…

La matri: (costretta dal figlio, ne taglia un pezzettino piccolo piccolo e lo mangia) Va beni, tocca a mia!…

Lu figghiu: (che s’è reso conto del gesto, rilancia) Vih, matruzza d’’u me cori, chista chi è furchittata?… Quantu a nu scravagghiu vi nni pigghiastivu!…

La matri: (risoluta, ribatte) Ma chi ti pari c’haju la vucca ca teni tu?…

Lu figghiu: (assai impacciato, alla madre) Mah….

La matri: Mutu, ti dissi, e mancia!… Ammucca, a matri, tè!…

Lu figghiu: (lapidario, ribatte) E tri!… (non ha il tempo di inghiottire, che la madre lo imbocca di nuovo) E quattru!… (ferma poi la mano della madre, dicendole) Ora, a vossia!…

La matri: Sì, basta ca manci!…. (imbocca un altro pezzettino di carne).

Lu figghiu: No, matri, non nni vogghiu chiù!… Tri feddi di carni mi facistivu manciari!…

La matri: Sustanza ti ficiru, a matri!…

Lu figghiu: Sulu lu vostru santu amuri mi fa sustanza… (baciandole la mano, commosso, esclama) ca Diu la binidici!…

La matri: (accarezzandogli il volto smagrito, risponde) E a tia chiu’ binidizioni ancora, ciatu di l’arma mia… (si commuove e piange singhiozzando).

Lu figghiu: (guarda la madre preoccupato e osserva) Ch’aviti, matri?…

La matri: Nenti, nenti!… Mi cummovu, pi tia, figghiu, ca t’amu… non sacciu quantu!…

Lu figghiu: (umilmente, risponde) Quantu a Diu matruzza mia, quantu a Diu!… (china la testa sulla mano della madre baciandogliela e riempiendogliela di lacrime. Lei, amorevolmente, con mano tremante, lo accarezza e, come svanita, volge lo sguardo in alto. Il figlio, come una foglia distaccatasi dall’albero che lo aveva fin lì sostenuto, anela l’ultimo respiro. La madre, adesso, non sente più la voce di suo figlio, che tanto affetto aveva avuto per lei, che seppe offrire un amore profondo attraverso cose semplici, nei gesti quotidiani, dove ognuno di noi non si sognerebbe mai di offrirlo. La madre lo accarezza ripetutamente, come se stesse dormendo, e, senza qualcuno che la consoli, come ogni vero povero, nel silenzio, piangendo, subisce questo lacerante distacco).

Fine.

Alessio Patti